"Patayin ang mga Bakla"

Ang naganap na massacre sa isang gay bar sa Orlando, Florida USA ay itinuturing na pinakanakakagimbal na shooting incident sa kasaysayan ng Amerika. Ikinaloka ko ng bonggang bongga ang balitang ito dahil bilang miyembro ng LGBT ay hindi ko maiwasang maapektuhan lalo pa at mga kabaro ko ang mga naging biktima.

Hindi na bago sa Amerika ang mga shooting incidents. Nakakatakot tuloy tumira sa Amerika dahil sa mga ganitong incident ng pamamaril. Pero kakaiba ang nangyare sa Orlando massacre dahil sa isang gay bar nangyare ang krimen at ayon sa mga biktima ay may galit daw sa bakla ang killer. Kaloka! Ano kayang ginawa ng bakla sa kanya kaya ganun na lang ang galit nya? Malamang nahada sya o baka naman di nabigyan ng datung kaya skyrocketing ang galit ng mastermind sa krimeng ito. Hahahahahaha.

Kung anuman ang motibo ng killer, hindi pa rin katanggap tanggap ang ginawa nya at wala syang karapatang pumatay ng tao.

Ayon din sa mga ulat ng foreign media ay isang myembro ng ISIS ang killer. Syempre alam naman natin ang pakay ng ISIS, ang maghasik ng lagim at pumatay ng mga tao gamit ang mga pampasabog o baril sa ngalan ng kanilang diyos na si Allah! Jusko naman! I mean naniniwala akong may mga mababait na Muslim, at ang Islam ay religion of peace. Itong mga fundamentalist muslims kasi ang sumisira sa Islam kaya may mga taong takot makisalamuha sa mga muslim at may nageexist pa rin na diskriminasyon sa kanila. Ang killer daw ay nanumpa sa ISIS, yung tinatawag na "pledge of allegiance." Walang dudang may kinalaman ang grupong ISIS sa karumaldumal na krimeng ito. Ginagawa na ng Amerika ang lahat para mapulbos ang mga ISIS na yan pero tila hindi sila maubos ubos!

May mga hate comments din sa social media, lalo na sa mga Facebook news pages, mula sa mga netizens na makikitid ang utak, na mabuti daw at nangyare ang krimen at pinatay ang mga bakla. Imbes na makisimpatya sila sa nangyare e mukang natuwa pa sila dahil pinatay ang mga bakla! Gusto ko lang sanang sabihing hindi lahat ng pinatay sa krimeng yon ay mga bakla. May mga inosenteng nilalang na sa isang iglap ay pumanaw dahil sa kagagawa ng isang lunatic! Mga inosenteng nilalang na may mga pangarap sa buhay at pamilyang sinusuportahan. Hindi lang ang mga pinatay ang mga biktima sa naganap na krimeng ito, pati na rin ang mga naulila nilang mga mahal sa buhay. I am so disappointed na may mga taong natuwa pa sa kabila ng kamatayan ng mga inosenteng tao.

Even your God won't permit killing innocent people. LGBT are human beings. Kung hindi nyo kami kayang igalang bilang myembro ng LGBT, igalang nyo na lang kami bilang tao. Ipakita nyo naman minsan na makatao kayo.

O baka kagaya kayo ng bobong si Manny Pacquiao na ang tingin sa aming mga LGBT ay mga hayop? Marami kasing umiidolo sa kanya kaya ang virus ng kabobohan malamang ay kumalat na sa mga utak ng mga fans ni Pacquiao! Kaya hindi umuunlad ang Pilipinas dahil sa primitive na pag-iisip!

To the families of the Orlando massacre victims, my deepest condolences.